У Кіраўску адбыўся ўрачысты мітынг да Дня памяці воінаў-інтэрнацыяналістаў

У Кіраўску адбыўся ўрачысты мітынг да Дня памяці воінаў-інтэрнацыяналістаў

Незгасальная памяць – у імя міру
15 лютага, у дзень 32-й гадавіны вываду савецкіх войск з Афганістана, у Кіраўску каля памятнага знака ў гонар воінаў-кіраўчан, якія выконвалі інтэрнацыянальны абавязак пры ліквідацыі лакальных канфліктаў, адбыўся мітынг, прысвечаны Дню памяці воінаў-інтэрнацыяналістаў.
Удзельнікаў мітынгу, сярод якіх былі кіраўніцтва раёна, члены раённага выканаўчага камітэта, воіны-інтэрнацыяналісты, прадстаўнікі раённых структур грамадскіх аб’яднанняў і працоўных калектываў, моладзь, вітаў старшыня райвыканкама Міхаіл Гулы. Ён нагадаў, што больш чым за 9 год, на працягу якіх доўжылася буйнейшая антытэрарыстычная кампанія на тэрыторыі Дэмакратычнай Рэспублікі Афганістан, праз пекла баявых дзеянняў прайшло больш за 30 тысяч беларусаў, у тым ліку 82 кіраўчаніны.
“Верныя прысязе, нашы салдаты гераічна змагаліся на афганскай вайне, – працягваў Міхаіл Уладзіміравіч, – праяўляючы свае лепшыя якасці: патрыятызм, адданасць і вернасць Айчыне, адвагу, высокую грамадзянскасць і свядомасць.
Зараз у Беларусі пражывае каля 27 тысяч воінаў-інтэрнацыяналістаў, якія прымалі ўдзел у баявых дзеяннях на тэрыторыі Афганістана. Многія з іх уносяць значны ўклад у патрыятычнае выхаванне падрастаючага пакалення. З кожным годам усё меней становіцца ўдзельнікаў і ветэранаў Вялікай Айчыннай вайны. Але ў страі – ветэраны-афганцы, якія на сваім асабістым прыкладзе могуць расказаць, што такое вернасць прысязе і мужнасць, навучыць маладых людзей па-сапраўднаму любіць сваю Радзіму”.
Звяртаючыся да воінаў-інтэрнацыяналістаў, Міхаіл Гулы адзначыў, што дзяржава высока шануе іх ролю ва ўмацаванні згоды ў грамадстве.
Слова трымаў начальнік адасобленай групы (па Кіраўскім раёне) ваеннага камісарыята г.Бабруйска маёр Андрэй Гайдукевіч: “Вайна ў Афганістане напісала драматычную старонку ў гісторыю нашага народа. Воіны-інтэрнацыяналісты, у далёкія 80-я гады мінулага стагоддзя час выбраў вас. Вам давялося перанесці жахі і нягоды ваеннага ліхалецця на чужыне. Але вы сумленна, дастойна, мужна, герачіна выканалі свой воінскі абавязак.
Шмат лёсаў скалечыў Афган, шмат маладых жыццяў забраў…
Вайна недапушчальная ў любых яе праявах, бо нясе толькі разбурэнні, пакуты і смерць. Таму нам дзеля нашага сённяшняга мірнага неба над галавой трэба захоўваць і шанаваць памяць пра падзеі афганскай вайны, а таксама пра людзей, якія прайшлі праз яе пекла, – у навучанне нашчадкам”.
Мінута маўчання, чулыя вершы, юнакі з партрэтамі загінуўшых воінаў-інтэрнацыяналістаў, вянкі і чырвоныя гваздзікі да памятнага знака – жывая незгасальная памяць у імя міру на зямлі. Час сцірае з зямлі шрамы, нанесеныя войнамі, аднак ён не мае ўлады над памяццю ўдзячных нашчадкаў.
Час…Усё далей і далей, у гісторыю ён адносіць падзеі, якія адбыліся на вайне. Афганістан…У тых, для каго гэта не проста слова, а лёс і асабістая гісторыя, яно выклікае трывогу, боль і слёзы. Незагойнай ранай ные ў душы людзей, якія страцілі ў далёкай усходняй краіне блізкіх, і тых, чыё юнацтва аказалася апаленым вайной. Кажуць, чалавек жывы, пакуль мы захоўваем памяць аб ім. Таму нездарма, кожны год, лютаўскім днём зноў і зноў, падчас мітынгу ўсплываюць у памяці жыхароў раёна імёны юнакоў – ураджэнцаў Кіраўшчыны: Пятра Петрусевіча, Віктара Шумілава, Аляксандра Ядлоўскага, якім было накавана лёсам назаўсёды застацца на афганскай вайне. Пасля мітынгу адбылося ўскаладанне вянкоў і кветак да іх магіл у в.Гарадзец і ў аг.Жылічы.
Яўгенія БЯЛЬКО.
Фота Максіма МІКЕШЫНА.

 

 

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024