С 20.07.2026 по 19.08.2026 в Могилевской области проводится месячник безопасного труда при выполнении работ по уборке урожая в сельскохозяйственных организациях области. | С 01.07.2026 по 31.07.2026 проводится месячник безопасного труда на объектах жилищно-коммунального хозяйства Могилевской области

На Чыгірынскім вадасховішчы прайшоў 1-ы этап Чэмпіяната Рэспублікі па лоўлі рыбы на мармышку з лёду

Вы здесь

Главная
12.01.2016

На Чыгірынскім вадасховішчы ў мінулыя выхадныя прайшоў першы этап Чэмпіяната Рэспублікі Беларусь па лоўлі рыбы на мармышку з лёду.  У спаборніцтвах прымалі ўдзел рыбаловы-спартсмены з розных рэгіёнаў краіны.

Арганізатар спаборніцтваў —  Рэспубліканскае грамадскае аб’яднанне “Беларускае таварыства паляўнічых і рыбаловаў”. У іх падрыхтоўцы і арганізацыі прынялі ўдзел арганізацыі і ўстановы Кіраўскага раёна.
 
 
Для рыбаловаў-спартсменаў  “у природы нет плохой погоды”. На працягу трох марозных дзён яны аспрэчвалі першынство на лёдзе вадасховішча.
У камандным заліку лепшай стала каманда з Магілеўскай вобласці “COLMIC ICE FISHING” (“Колмік айс фішінг”): агульны ўлоў рыбаловаў-спартсменаў склаў 24 789 грамаў), другое і трэццяе месца заваявалі адпаведна каманды “Фаварыт” з Мінскай вобласці  (улоў – 23 899 грамы ) і “17 рэгіён” (улоў – 22 390 грамаў) з Брэсцкай вобласці.

У асабістым заліку перамогу святкаваў Вадзім Якубовіч (г. Мінск). Ён жа злавіў самую буйную рыбу — ляшча, які заважыў 351 грам. Другое месца заваяваў Вячаслаў Марчук (Мінская вобласць), трэцяе — Павел Ігнатовіч (г. Брэст).