Бабруйчан адолелі ўпэўнена

21 мая, Кіравец /Уласн.інф./. Працягваюцца папярэднія гульні фінальных абласных спаборніцтваў ІІІ этапа сярод дзяцей і падлеткаў “Скураны мяч”. Дзве кіраўскія каманды — старэйшая і малодшая — на сваім полі прымалі гасцей з Бабруйска, якія дагэтуль перайгралі равеснікаў з Глуска. На полі, праўда, гаспадары абышліся з суседзямі не зусім па-гасціннаму, адолеўшы іх у дзвюх сустрэчах з буйным лікам. Старэйшыя футбалісты забілі сапернікам тры безадказныя галы — тройчы вызначыўся наш нападаючы Ігар Гулевіч. Малодшыя рабяты першымі прапусцілі мяч, затое потым “накідалі” ў сетку апанентам ажно шэсць!  Наступныя сустрэчы кіраўчане правядуць у Асіповічах з мясцовымі камандамі.