Будзе новы магазін

19 снежня, Кіраўск /Уласн. інф./. Вось ужо даволі працяглы час крыніца, што знаходзіцца недалёка ад санаторыя імя К.П.Арлоўскага, — адно са знакавых месцаў райцэнтра. А ў хуткім часе паблізу ад яе з’явіцца яшчэ адна. Праўда не ў русле ракі Ала, як гэтая, а на рагу вуліц імя Арлоўскага і Калініна. Райспажыўтаварыства рыхтуе для кіраўчан і гасцей горада чарговы падарунак: шпаркімі тэмпамі тут вядзецца будаўніцтва новага гандлёвага павільёна. Ён будзе мець назву “Крыніца”. Асноўны асартымент магазіна складуць прадукты, але будзе аддзел і нехарчовых тавараў. Адкрыць гандлёвую кропку плануецца напярэдадні Новага года.