28 лютага, Кіраўск /Уласн. інф./. Прэзідыумам раённага Савета дэпутатаў пераможцамі ў спаборніцтве па закупу лішкаў малака ў насельніцтва за 2007 год прызнаны Дабаснянскі сельскі Савет, дзе ў разліку на 1 карову закуплена 2007 кг малака, што больш леташняга на 110 кг. Другое месца прысуджана Скрыпліцкаму сельскаму Савету (1864 кг, прыбаўка склала 84 кг), трэцяе — Грыбавецкаму сельскаму Савету (адпаведна 1172 і 53 кг).
Пераможцамі сярод малаказборшчыкаў сталі: па Баравіцкім сельсавеце — М.В.Чарноў, які сабраў 64 т малака, 986кг у разліку на 1 карову, па Грыбавецкім — Л.М.Шпакоўскі (16 т; 1600 кг), па Дабаснянскім — Л.П.Калеснік (208 т; 2572 кг), па Казуліцкім — А.Д. Акушэвіч (62 т; 850 кг), па Паўлавіцкім — Г.А.Макаронак (82 т; 2266 кг), па Скрыпліцкім — С.В.Белаглазава (113 т; 2173 кг), па Стайкаўскім сельсавеце — Ж.А.Патапава (73 т; 2153 кг).
Пераможцамі сярод малаказдатчыкаў прызнаны: па Баравіцкім сельсавеце — І.К.Эзрын, які здаў 4405 кг у разліку на карову, па Грыбавецкім — Н.І.Куляўцова (3983 кг), па Добасненскім — С.С.Вараб’ёў (4943 кг), па Казуліцкім — А.А.Маглюй (3780 кг), па Паўлавіцкім — Н.І.Гушчына (5195 кг), па Скрыпліцкім — І.Г.Крутаў (4482 кг), па Стайкаўскім сельсавеце — Н.М.Спірыдонава (4251 кг).
Усе яны ўзнагароджваюцца Ганаровымі граматамі раённага Савета дэпутатаў з уручэннем каштоўных падарункаў у памеры 1 базавай велічыні.