Насустрач VI Усебеларускаму народнаму сходу

Насустрач VI Усебеларускаму народнаму сходу

Працягваем публікацыю меркаванняў жыхароў раёна пра значнасць шостага Усебеларускага народнага сходу, пра тое, чаго яны ад яго чакаюць і якія тэмы лічуць неабходнымі для абмеркавання.

Ілья СЯМЁНАЎ, ветэрынарны ўрач КСУП “Ніва-Барсукі”:

– Значнасць Усебеларускага народнага сходу ў тым, што менавіта там павінна вызначыцца будучыня нашай краіны на бліжэйшую пяцігодку, яе далейшае развіццё. І нам, маладым, безумоўна, важна, якое месца ў грамадстве зоймем мы. Вельмі б хацелася, каб роля моладзі ў грамадстве ўзрастала, каб на кіруючыя пасады прыходзіла больш перспектыўных, ініцыятыўных  кадраў з новымі, цікавымі, крэатыўнымі ідэямі, якія б садзейнічалі дынамічнаму развіццю дзяржавы, яе інтэлектуальнага патэнцыялу. Наогул, за моладдзю — заўтрашні дзень. Таму хочацца пачуць як мага больш пытанняў і адказаў, якія тычацца яе ва ўсіх сферах дзейнасці.

Лічу, што на новы ўзровень неабходна ўзняць патрыятычнае выхаванне, прыцягненне моладзі ў грамадскае жыццё. І ў гэтым плане адметнае месца трэба надаць актыўнай рабоце ўжо сёлета,у год, які яб’яўлены Годам народнага адзінства. Мы павінны ўсе быць адзіным народам, адзіным цэлым, каб захаваць суверэнітэт Беларусі, дзейнічаць у імя міру ў роднай краіне і яе працвітання.