Насычаны падзеямі лёс. Ветэрана Вялікай Айчыннай вайны і працы павіншавалі з 99-годдзем

У мінулую пятніцу ветэран Вялікай Айчыннай вайны і працы Таццяна Іванаўна Уласенка адзначыла 99-ю гадавіну з дня свайго нараджэння. З віншаваннямі ад імя райвыканкама, раённых структур грамадскіх аб’яднанняў “Белая Русь”, “Беларускі фонд міру”, “Беларускае грамадскае аб’яднанне ветэранаў” да паважанай жанчыны, якая на гэты час знаходзіцца ў Любоніцкай бальніцы сястрынскага догляду, завіталі старшыня раённага савета ветэранаў Эма Карпук і старшыня раённай арганізацыі РГА “Белая Русь” Васіль Маркевіч, уручылі кветкі і падарунак. Падчас наведвання Таццяна Іванаўна падзялілася з гасцямі ўспамінамі, яны выказалі ёй шчырыя пажаданні добрага самаадчування, доўгіх год жыцця.Т. І. Уласенка шмат гадоў сваёй працоўнай дзейнасці прысвяціла дзецям, выкладаўшы ў Жыліцкай сярэдняй школе фізіку і матэматыку.Нарадзілася яна ў Расіі, г.Новасакольнікі Пскоўскай вобласці. Жыццё не песціла жанчыну, давялося спазнаць і ваеннае ліхалецце, і і іншыя нялёгкія часіны (летась аб яе жыццёвым шляху расказала наша раённая газета).У 1970 годзе Таццяна Іванаўна прыехала на Кіраўшчыну, і з таго часу яе лёс непарыўна звязаны з Жылічамі.Некалькім пакаленням жылічан Таццяна Іванаўна прывіла любоў да дакладных навук, вучыла рабят не толькі лагічна думаць, знаходзіць выйсце з любых складаных сітуацый, але і заўсёды быць чулымі, добразычлівымі, шанаваць гісторыю сваёй краіны, народа-пераможцы. Педагог нагадвала хлопчыкам і дзяўчынкам, што няма ў свеце больш прыгожага і дарагога сэрцу куточка, чым малая радзіма.