Павышаючы вытворчыя паказчыкі

9 лicтапада, Кiраўск /Уласн.iнф./ Галоўная аграрная газета краіны “Белорусская нива” апублікавала інфармацыю аб выніках работы жывёлаводаў рэспублікі за снежань — верасень бягучага года. Сярод розных паказчыкаў галіны за аснову ўзяты сярэдні надой малака ад каровы.

Ужо традыцыйна лідзіруючыя пазіцыі ў спаборніцтве займаюць раёны Мінскай і Гродзенскай абласцей. У спісе са 118 раёнаў наш займае высокае 11 месца. За 9 мясяцаў кіраўчане атрымалі ад кожнай каровы па 3985 кілаграмаў малака. Гэта другі паказчык у вобласці. Наперадзе толькі жывёлаводы Горацкага раёна, дзе з пачатку года ў разліку на карову атрымана па 4000 кілаграмаў малака.
 
У 272 сельгаспрадпрыемствах краіны за 9 месяцаў атрымана па 4 тоны і больш кілаграмаў малака ад каровы. У гэтым спісе ёсць і пяць нашых гаспадарак. Гэта СВК “Чырвоны баец” (4826 кг), СВК “Калгас “Беларусь” (4699 кг), СВК “Калгас “Ніва” (4622 кг), СВК “Рассвет “ імя К.П.Арлоўскага (4557 кг) і СГФ “Чыгірынка” РУП “Беларусьнафта-Магілёўаблнафтапрадукт” (4279 кг).
Цікавая і яшчэ адна лічба: у СВК “Рассвет” імя К.П.Арлоўскага самае вялікае пагалоўе кароў у рэспубліцы — 2200 галоў. Столькі ж толькі ў АК “Ждановічы” Мінскага раёна. Яшчэ ў трох сельгаспрадпрыемствах утрымліваецца звыш за 2 тысячы кароў. Гэта СВК “Прагрэс” Гродзенскага раёна (2120), СВК “АК “Сноў” Нясвіжскага раёна (2050) і СВК “Астрамечава” Брэсцкага раёна (2040).