У медыцыне раёна – маладыя кадры

Галіна аховы здароўя раёна папоўнілася 14 дыпламаванымі медыцынскімі спецыялістамі.

Безумоўна, вельмі важнае значэнне ў барацьбе за здароўе кожнага чалавека, акрамя лекавых сродкаў, апаратуры і абсталявання, маюць прафесійныя веды медыкаў, іх жаданне і ўменне выслухаць, зразумець, дапамагчы.

За маладымі кадрамі, якія пакуль робяць першыя крокі на сваіх рабочых месцах, замацаваны больш вопытныя калегі-настаўнікі, якія пры неабходнасці дапамогуць пачынаючым медыкам, параяць і падкажуць, што прадпрыняць у складанай сітуацыі.Спадзяемся, што пасля заканчэння тэрміну абавязковай адпрацоўкі спецыялісты пажадаюць застацца жыць і працаваць на Кіраўшчыне, дзе яны змогуць лячыць пацыентаў у камфортных умовах і будуць запатрабаванымі.

На здымку: знаёмцеся з маладымі спецыялістамі – педыятр Дзяніс Мацюшонак, урач агульнай практыкі Марыя Карытка, медбрат Мікіта Салановіч, медсястра профкабінета Лілія Аўсянік, псіхіятр Мікіта Бокі, урачы агульнай практыкі Таццяна Цыбуля і Вераніка Барлюгова, хірург Аляксандра Крупа, медсястра Анастасія Карпава, рэнтгенолаг Яніна Сухавій, урач ультрагукавой дыягностыкі Аляксандра Комар і ўрач агульнай практыкі Марына Рудзянкова. На варце аховы здароўя – яшчэ два маладыя спецыялісты: урач агульнай практыкі Лілія Храмцова і оталарынголаг Сняжана Драпкова.

Фота Максіма МІКЕШЫНА.