Успомні пра бацькоў!

18 сакавіка, Кіраўск /Уласн. інф./. Актуальнай праблемай застаецца забеспячэнне бяспекі адзінокіх састарэлых грамадзян.

Застаўшыся без падтрымкі блізкіх, чалавек адчувае маркоту, перастае сачыць за сабой, а клопат аб уласным жыцці і здароўі адыходзіць на другі план.

Калі здараецца бяда, іх родным позна раздумваць аб жыцці, аб тым, хто вінаваты, чаму не збярог і што не паспеў. За тое, што лішні раз не прыехаў да бацькоў, не дапамог з рамонтам печы ці старой электраправодкі, не адрамантаваў дах ці не адвёз у рамонт халадзільнік, які даўно барахліў, ніхто не будзе даваць вымовы і наракаць, ды і старыя на дзяцей не паскардзяцца.

Зазірніце ў вочы сваіх бацькоў. Што ў іх? Нявыказаная трывога і нямое пытанне: “Каму я патрэбны?..”

Абыякавасць дарослых дзяцей можа ператварыцца ў бяду для бацькоў. Захавайце жыццё дарагіх вам людзей!