Агляд-конкурс на лепшае навагодняе афармленне тэрыторый прадпрыемстваў, арганізацый, устаноў, сельгасарганізацый.

У перыяд з 15 па 24 снежня ў  раёне будзе праводзіцца  агляд-конкурс на лепшае навагодняе афармленне  тэрыторый прадпрыемстваў, арганізацый, устаноў, сельгасарганізацый. Яго мэта — актывізацыя дзейнасці працоўных калектываў, абагульненне і распаўсюджванне станоўчага вопыту па паляпшэнні мастацкага ўпрыгожвання фасадаў  будынкаў і прылягаючых тэрыторый, што будзе садзейнічаць святочнаму настрою  жыхароў і гасцей горада і раёна.

У аглядзе-конкурсе могуць удзельнічаць усе суб’екты гаспадарання, незалежна ад формы ўласнасці.

Для яго арганізацыі  і правядзення створана рабочая група, у якую ўвайшлі: намеснік старшыні райвыканкама Галіна Слабоднікава і прадстаўнікі аддзелаў ідэалагічнай работы, культуры і па справах моладзі, жыллёва-камунальнагай гаспадаркі райвыканкама, арганiзацыйна-кадравай работы, райсельгасхарчу і аддзела эканомікі  райвыканкама.