Навагодні цуд для дзяцей Кіраўскага цэнтра карэкцыйна-развіваючага навучання і рэабілітацыі

Навагодні цуд для дзяцей Кіраўскага цэнтра карэкцыйна-развіваючага навучання і рэабілітацыі

У межах дабрачыннай акцыі “Нашы дзеці” ў Кіраўскі цэнтр карэкцыйна-развіваючага навучання і рэ­абілітацыі завіталі госці — старшыня райвыканкама Аляксандр Бутараў, дэпутат Палаты прадстаўнікоў Нацыянальнага сходу Рэспублікі Беларусь Ігар Кананчук, намеснік старшыні райвыканкама Таццяна Бяляўская з навагоднімі віншаваннямі, падарункамі, каб стварыць для выхаванцаў атмасферу чараў­ніцтва і радасці.

Госці разам з рабятамі, Дзедам Марозам і Снягуркай вадзілі карагоды вакол святочнай ёлкі, удзельнічалі ў гульнях.Кожны з рабят атрымаў падарунак — цацкі, салодкасці, да таго ж, Ігар Кананчук уручыў ім святочны торт. Па радасных усмешках дзяцей было бачна, што яны сапраўды паверылі ў навагодні цуд, у тое, што падчас гэтага свята мары і надзеі здзяйсняюцца…Госці выказалі словы ўдзячнасці работнікам цэнтра, якія аддаюць сваю душу, веды, агортваюць клопатам рабят, маючых праблемы са здароўем.Прагучалі віншаванні з Новым годам і Раством Хрыстовым, шчырыя пажаданні.