Ушанавалі памяць жыхароў вёскі Боркі, знішчаных фашысцкімі карнікамі

Сёння, у Дзень Незалежнасці Рэспублікі Беларусь, 78-й гадавіны з дня  вызвалення нашай краіны ад нямецка-фашысцкіх захопнікаў, прадстаўнікі раённай улады – старшыня Кіраўскага райвыканкама Галіна Слабоднікава, старшыня раённага Савета дэпутатаў Алена Сакадынец, члены раённага выканаўчага камітэта, а таксама кіраўнікі сілавых структур раёна пабывалі ў свяшчэнным месцы – на мемарыяльным комплексе “Памяці спаленых вёсак Магілёўскай вобласці” ў вёсцы Боркі, ушанавалі памяць загінуўшых ад рук фашысцкіх карнікаў мірных жыхароў. 15 чэрвеня гэтага года споўнілася 80 год з дня Боркаўскай трагедыі.

Да брацкай магілы былі ўскладзены кветкі, у капліцы ў гонар іконы Божай Маці “Взыскание погибших” паставілі памінальныя свечы.