Водныя рэсурсы Кіраўшчыны ў лічбах і фактах

27 сакавіка, Кіраўск /Уласн. інф./.  Наш раён, як і вобласць у цэлым, дзякуючы свайму геаграфічнаму месцу знаходжання дастаткова забяспечаны падземнымі водамі пітной якасці.

За апошнія 10 год аб’ём забору вады з прыродных аб’ектаў скараціўся на 16% , у тым ліку падземнай вады — на 19%.

На тэрыторыі раёна працякае 13 рэк агульнай працягласцю 2309 км, маецца 12 штучных вадаёмаў агульнай плошчай 1187,5 га, 2 возеры агульнай плошчай 14,2 га.

 Цэнтралізаваным водазабеспячэннем карыстаецца каля 61% насельніцтва горада. У райцэнтры маецца 155 шахтных калодзежаў і 70 водаразборных калонак.

Для гаспадарчых і пітных патрэб жыхароў раёна выкарыстоўваецца толькі артэзіянская вада. Яе якасць у цэлым вышэй, чым паверхневых водных аб’ектаў. Тым не менш, якасць выкарыстоўваемай намі вады прымушае жадаць лепшага.

На будаўніцтва сетак і збудаванняў гаспадарча-пітнога водазабеспячэння ў Кіраўску — так званы водазабор “Малінаўка” магутнасцю 2000 м3 у суткі — на бягучы год выдзелена 676,2 млн. рублёў.