“Дзякуй Вам за Перамогу!”

Кіраўнік раёна разам са старшынёй раённага Савета дэпутатаў На-дзеяй Каранкевіч у гэты святочны для ветэрана дзень завіталі да яго дамоў з кветкамі, падарункам.

 Паміж гасцямі і ветэранам завязалася шчырая размова: Рыгор Іванавіч па просьбе старшыні райвыканкама па-дзяліўся ўспамінамі аб гадах юнацтва, суровых ваенных выпрабаванняў, калі зусім маладым хлопцам змагаўся на фронце з фашыстамі, як сустрэў доўгачаканую Перамогу.

 

 

 Расказваючы пра мірнае жыццё, Р.І.Куцілкін нагадаў, як ён, расіянін, трапіў на Кіраўшчыну, як тут распачыналася і праводзілася электрыфікацыя, а ён кіраваў гэтым працэсам, будучы на чале калектыву раёна электрасетак. Увогуле ж прысвяціў яму 26 гадоў жыцця.

 Надзея Каранкевіч падкрэсліла, што незвычайная інтэлігентнасць, добразычлівасць, сціпласць Рыгора Іванавіча заўжды выклікалі і выклікаюць давер, павагу ў кіраўчан, з ім прыемна сустракацца, размаўляць.

 Зайшла гутарка аб патрыятычным выхаванні моладзі: пакуль дазваляла здароўе, ветэран вайны і працы быў частым госцем у школах горада, на розных мера-прыемствах, і зараз па магчымасці наведвае іх.

 Аляксандр Бутараў падкрэсліў, што мужнасць, стойкасць такіх людзей, як Р.І.Куцілкін, якія пераадолелі цяжкія выпрабаванні ў гады вайны дзеля таго, каб нам сёння жыць пад мірным небам, іх любоў да Радзімы і адданасць ёй, іх важкі працоўны ўклад у аднаўленне і развіццё эканомікі павінны быць прыкладам для ўсіх, у першую чаргу, для маладога пакалення, у руках якога будучыня Беларусі.

 А Рыгор Іванавіч адзначыў, што каб зберагчы мір і далей мацаваць магутнасць нашай краіны, трэба добрасумленна працаваць, быць згуртаванымі, мець актыўную жыццёвую пазіцыю.

 Кіраўнік раёна прапанаваў Р.І.Куцілкіну з любымі пытаннямі і праблемамі звяртацца да яго, будзе аказана дапамога ў іх вырашэнні. І разам з Надзеяй Каранкевіч пажадалі ветэрану здароўя, добрага самаадчування, доўгіх гадоў жыцця.

 У гэты дзень у доме Куцілкіных было людна. Прыехалі да бацькоў з Расіі сын і дачка, з астатнімі роднымі планавалі ўвечары выйсці на зносіны па скайпе, асабліва хацелася Рыгору Іванавічу пабачыць свайго малодшага трохмесячнага праўнука, названага ў гонар прадзядулі.

 Завіталі сюды, каб павіншаваць гаспадара з юбілеем, кіраўнікі раённых арганізацый грамадскіх аб’яднанняў “Белая Русь” — Васіль Маркевіч, Беларускай грамадскай арганізацыі ветэранаў — Эма Карпук, “Беларускі фонд міру” — Вольга Гаршкова.

Наталля

ХАДАКОВА.

Фота

Максіма МІКЕШЫНА.