У Кіраўску адкрылася арэна для пляжных відаў спорту

2 ліпеня на стадыёне ДЮСШ сабраліся прадстаўнікі раённай улады, кіраўнікі прадпрыемстваў і арганізацый раёна, юнае пакаленне прыхільнікаў спорту і жыхары горада. Сярод ганаровых гасцей — старшыня райвыканкама Аляксандр Бутараў, старшыня раённага Савета дэпутатаў Надзея Каранкевіч, генеральны дырэктар асацыяцыі “Федэрацыя пляжнага футбола” ў Рэспубліцы Беларусь Аляксандр Баранаў і яго намеснік Пётр Южык.

 Адкрываючы новы спартыўны аб’ект, Аляксандр Бутараў адзначыў, што наш раён заўсёды славіцца высокімі дасягненнямі ў спорце, а ў апошнія гады асаблівая ўвага надаецца развіццю пляжнага футбола. Аднак далейшае развіццё спорту немагчыма без адпаведнай базы. Кіраўнік раёна падкрэсліў, што адкрыццё арэны стане добрай падставай для дасягнення новых вяршынь і дазволіць рыхтаваць дастойны рэзерв па пляжных відах спорту. Акрамя таго, гэты аб’ект мае важнае значэнне ва ўмацаванні здароўя як падрастаючага пакалення, так і дарослых. Ён таксама дазволіць праводзіць на базе нашага раёна спаборніцтвы самых высокіх узроўняў — ад абласных, рэспубліканскіх да міжнародных. Хочацца спадзявацца, што пасля ад-крыцця арэны маладых кіраўчан можна будзе часцей убачыць у саставе каманд-пераможцаў па тым ці іншым відзе спорту, адзначыў Аляксандр Бутараў.

 

 

 Намеснік старшыні асацыяцыі “Федэрацыя пляжнага футбола” ў Рэспубліцы Беларусь Пётр Южык павіншаваў кіраўчан з адкрыццём яшчэ аднаго знакавага спартыўнага аб’екта і пажадаў, каб першыя крокі юных футбалістаў і валейбалістаў па новай пляцоўцы сталі не толькі пачаткам шляху ў вялікі спорт, але і ў здаровае дарослае жыццё. Ён выказаў упэўненасць у тым, што ад-крыццё аб’екта дапаможа выявіць новыя таленты, якія вырастуць у сапраўдных спартыўных зорак узроўню трэнера ДЮСШ Вадзіма Бокача, які з’яўляецца нападаючым нацыянальнай зборнай Рэспублікі Беларусь па пляжным футболе.

 Пётр Южык па-дзякаваў кіраўніцтву раёна, кіраўнікам сельгасарганізацый, арга-нізацый і ўстаноў за праведзеную значную работу. Такая арэна ў гарадах раённага падпарадкавання, прычым пабудаваная метадам народнай будоўлі, з’я-вілася ўпершыню, адзначыў ён.

 Выканаўчым камітэтам “Федэрацыі пляжнага футбола” ў Рэспубліцы Беларусь у якасці падарунка кіраўчанам прынята рашэнне аб правядзенні ў бягучым годзе на базе ДЮСШ Суперкубка Рэспублікі Беларусь па пляжным футболе.

 Памятным знакам асацыяцыі “Федэрацыі пляжнага футбола” ў Рэспубліцы Беларусь за падтрымку і садзейнічанне ў развіцці і папулярызацыі пляжнага футбола быў узнагароджаны Аляксандр Бутараў, за значны асабісты ўклад у развіццё дадзенага віду спорту — Віктар Галомзік. Юнаму пакаленню пляжных футбалістаў Пётр Южык уручыў набор мячоў для пляжнага футбола.

 Шчырыя словы ўдзячнасці кіраўніцтву раёна, а таксама ўсім, хто прыняў актыўны ўдзел у будаўніцтве спартыўнай арэны, выказаў дырэктар ДЮСШ Віктар Галомзік. Гонар перарэзаць чырвоную стужку быў прадстаўлены старшыні райвыканкама Аляксандру Бутараву, старшыні раённага Савета дэпутатаў Надзеі Каранкевіч, генеральнаму дырэктару асацыяцыі “Федэрацыя пляжнага футбола” ў Рэспубліцы Беларусь Аляксандру Баранаву, яго намесніку Пятру Южыку і дырэктару ДЮСШ Віктару Галомзіку. А ў неба, як сімвал дасягнення будучых спартыўных вышынь, былі выпушчаны белыя галубы.

 Першы сімвалічны ўдар па мячу зрабілі Аляксандр Бутараў і Аляксандр Баранаў.

 Затым адбыўся таварыскі матч паміж футбольнымі камандамі ДЮСШ: “Барсы” і “Берцы”.

 Такім чынам, арэна для пляжных відаў спорту была не проста адкрыта — яна з першых жа хвілін пачала дзейнічаць. Спадзяемся, што аматары пляжнага футбола і валейбола «адпачываць» ёй не дадуць, і ў хуткім часе кіраўчане будуць задаваць тон на абласных, рэспубліканскіх і нават міжнародных спаборніцтвах.

Людміла СЯМЁНАВА.

Фота